20130924_《狂舞派》票房直迫1300萬 顏卓靈狂接戲 柒良片酬急升

《狂舞派》叫好叫座，顏卓靈及蔡瀚億成為影壇新貴。(蘋果日報)

電影《狂舞派》噚晚喺尖沙咀搞慶功宴，慶祝票房直迫1,300萬以及之前喺福岡電影節中得到「觀眾大獎」，男女主角顏卓靈及「柒良」蔡瀚億（BabyJohn）仲有導演黃修平等出席。

問到顏卓靈有冇加片酬？佢竟然話唔知道，不過電影已經一部接一部，近日有人傾斟佢接拍喜劇。

目前顏卓靈用一半時間拍戲，其他時間仲要返學：「唔想拍戲影響返學，但如果開埋新戲時間會再緊，不過唔會走堂，否則好似有缺失。」

至於BabyJohn亦嚟緊會接拍一部恐怖片，至於片酬方面，BabyJohn話已加咗3至4倍，大部分會畀公公婆婆做生活費，真係孝順。 

YEAH﹗	《狂舞派》喺福岡電影節中得到「觀眾大獎」。	柒良片酬暴升三﹑四倍。
顏卓靈拍戲之餘，都唔會荒廢學業。