20131003_顏卓靈做王梓軒神秘女友

《狂舞派》熱潮令女主角顏卓靈熱爆，佢更加獲提名今屆金馬影后，人紅自己多人搵，好似最近王梓軒錄新歌《萬夫莫敵》MV，就搵顏卓靈做女主角，仲係飾演王梓軒女友添!

之前佢哋為咗保持神秘感，二人一直冇透露消息，王梓軒將顏卓靈背影放上網俾粉絲競猜係邊個，有粉絲就誤以為係糖妹或薛凱琪。

今次MV入面王梓軒同顏卓靈有親密動作，不過「阿花」形象健康，粉絲應該會受落。