20131212 「柒良」冇邀請赴喜宴 顏卓靈疑惑：唔知點解唔叫我？

BabyJohn已婚，顏卓靈早已知情，不過對方冇請佢去飲。

顏卓靈同周柏豪噚晚出席活動，對於好拍檔「柒良」蔡瀚億（BabyJohn）被爆已婚，顏卓靈表示事前已知道，亦有恭喜對方。

咁當時有冇赴喜宴？佢就話：「冇去，佢都冇問我，知佢有呢件事，都唔知點解唔叫我，點會驚我爆，我又唔口疏，冇送禮。見到佢嘅相佢哋sweet，早婚其實都OK，佢27歲結婚，佢理由話想結婚後專心做事。」

而柏豪聽到27歲就結婚，即大感愕然，並說：「27歲真係好早，幾時到我呢？諗住有個穩定嘅.....工作，想再做好啲先。」柏豪強調並非未玩夠，只係想體驗生活及過程。

顏卓靈認為早婚都OK。（攝影：陳俊強）

周柏豪同顏卓靈出席活動。