20140125 楊愛謹低胸性感現身 肯定Stephy未結婚

楊愛謹(Miki)今晚去到九龍塘出席星級晚裝時裝設計師Kev Yiu(姚子裕)2014年春夏系列時裝騷，佢今晚仲著上低胸裝好性感，問佢著到咁性感，使唔使男友批准?佢話:「著咩衫唔使問人，而且件衫個尺度唔大。」

咁又問Miki接唔接受到超Deep V上陣，佢話:「靚就OK，自己都著過Bikini。」有傳佢老友鄧麗欣(Stephy)同方力申已經結咗婚，Miki就話:「一定冇，佢結婚嘅話會話我知，佢係事業型女性。」咁有冇向佢求證先?Miki話:「我哋一個月會見一之，group chat佢就冇提。」又話佢哋都傳過好多次結婚，Stephy結婚應該唔會唔講佢知，除非呃佢喎。 

Miki今日咁性感，佢話唔使問男友意見。

好姊妹Stephy傳結婚，Miki好肯定話冇。

因為Stephy一定會同佢講，除非呃佢啦。