20140205 【金像獎提名】影后之爭 「宮二」章子怡 惡鬥《盲探》秀文《殭屍》鮑姐

金像獎影帝之爭固然激烈，影后亦爭個你死我活，章子怡毫無懸念再憑《一代宗師》內「宮二」一角，獲影后提名，子怡會硬撼《盲探》鄭秀文（Sammi）﹑鮑起靜嘅 《殭屍》﹑《北京遇上西雅圖》湯唯，以及初生之犢顏卓靈《狂舞派》。

章子怡之前已獲多個影后殊榮，故順理成章成為影后頂頭大熱，但情意結嚟講，唔少人都希望Sammi可以首嘗影后滋味，至於鮑姐於《殭屍》一改戲路，演出大獲好評，未知能否再度封后；而湯唯雖然演出都唔錯，但礙於今次對手太強，所以勝算不高，至於顏卓靈能夠有份入圍，相信已經當贏咗啦﹗

最佳女主角提名：
章子怡《一代宗師》
鄭秀文《盲探》
鮑起靜《殭屍》
湯唯《北京遇上西雅圖》
顏卓靈《狂舞派》

鄭秀文﹑鮑起靜及章子怡成功入圍影后提名。

湯唯憑《北京遇上西雅圖》角逐影后。

顏卓靈能夠與一班前輩獲提名影后，相信佢已經當贏咗。