楊愛瑾（Miki）噚晚偕官恩娜﹑唐貝詩及黃又南等，於銅鑼灣出席啤酒品牌派對。
Miki表示初入行時，因為被Paco（黃柏高）訓練得多，所以酒量好好，不過近年已經少接觸「酒界」，冇以前咁飲得。
Miki又話潮流興健康，自己會做多啲運動，佢話：「近來搵咗私人教練，希望一個月內練到馬甲線，因為我畀人感覺係瘦底，都想似返運動型，感覺健康啲。」若然練到馬甲線會唔會show出嚟？Miki：「都會，嚟緊夏天。」
問到有否叫男朋友一齊做運動？Miki表示：「有時間都會一齊做，但係比較難夾時間。」
問到若果自己操到有馬甲線，咁男友操fit時會唔會有壓力？Miki笑稱：「咁就啱，互相畀對方壓力，自己其實畀人感覺好瘦，不過我都有肚腩仔，希望一個月會有效果。」
 |
| Miki自言雖然畀人感覺瘦底，但其實佢都有個肚腩仔。 |
 |
| Miki話近日搵咗私人教練操fit身形，希望一個月內練到馬甲線。 |
沒有留言:
張貼留言