20140826 【相差9年】再度合作 默契依舊 柏豪視顏卓靈如親妹

周柏豪及顏卓靈再度合作，兩人默契十足。

周柏豪及顏卓靈(Cherry)擔任BSX大中華區代言人，為品牌拍攝2014秋冬系列廣告。兩人默契十足，拍攝過程順利，柏豪表示大熱天時要穿冬裝拍攝，加上現場佈置有大量大型燈泡，令氣溫急升，佢話每拍完一個鏡頭，都會衣衫盡濕，雖然佢話好辛苦，不過都係值得。

至於Cherry笑稱佈置為佢哋而設，又話希望喺呢一行繼續發光發熱，佢表示今年流行worker look，笑言由木工升呢做電工。

快踏入30歲嘅柏豪笑言，與Cherry年齡差距太大，有時對住佢都冇晒符，佢話：「佢成日都冇時停，喺攝影棚滿場飛，不停同工作人員講笑話，但得佢喺度笑，不過我羨慕佢年輕活潑，一直待佢如親妹。」Cherry又話雖然兩人相差九年，但外形依然合襯。 

柏豪視Cherry為親妹。