20140912 楊愛瑾國語講得差感慚愧

【on.cc東網專訊】 藝人楊愛瑾（Miki）出席運動品牌活動，她表示剛從北京和廈門拍畢電影回港：「係第一次拍戲完全冇香港演員，只有台灣同內地演員，仲要本身以為自己普通話幾好，點知去到個個講嘢都好北京腔，真係咩都慢半拍，覺得好慚愧，因為媽咪係國語人嘛。（依家叻咗？）應該叻咗啲掛，不過好驚訝有個台灣藝人原來一直有學緊普通話，因為佢話覺得自己講得差，佢都話要配音，我就更加唔使講啦。」她續透露稍後將飛返北京為電話作宣傳。

問到是否專注內地市場？Miki表示：「唔好咁講，其實係香港唔夠幕前機會，想做都冇得做咋。（搵人仔好啲？）只係內地相對多啲機會，無論係錢又好，咩其他原因都好啦。」至於結婚，她坦言抱着隨緣的心態：「兩年後先再講，依家都好穩定。（係結婚對象？）應該係啦，女仔應該要含蓄啲。（男朋友唔介意你成日返內地？）唔介意呀，佢都唔想見到我喺香港無所事事，我覺得依家嘅女性一定要靠自己，應該要有自己嘅職業，想做乜就做乜。」