20140310【ME!】顏卓靈可愛少女穿出女人味

Cherry 呢身「飲 look」恰如其份，我俾個讚！

後生女出席隆重場合，好容易著到好老氣。今年提名金像獎最佳女主角的顏卓靈（Cherry），20 歲要走入大人世界，就用咗聰明的穿搭技巧。日前出席香港電影導演會春茗晚宴，Cherry 著上粉紅色連身裙，保留少女氣質之餘，配襯金色耳環、手鐲與Sergio Rossi 金色高跟鞋，貴氣得來配合番自己年紀，夠晒得體。

當晚佢著呢對 Sergio Rossi 金色高跟鞋。