顏卓靈拍枱發難爭角色
【太陽報專訊】首次在電影擔正即角逐金馬獎最佳女主角的顏卓靈(Cherry),其實多年前由臨記開始捱,自言好機會不怕等的Cherry,全靠努力及把握機遇,片約一套接一套,誓要在影壇闖出一片天!
年僅19歲的影壇新星顏卓靈(Cherry),已一嘗入圍金馬獎最佳女主角的滋味,在人人眼中是平坦又璀璨的道路,但原來Cherry早於數年前,已由臨時演員開始做起:「做過勁多次臨記,只係冇人知,拍過港台劇,又喺《火龍》入面演童黨偷電話,但全部都係好好嘅經驗,如果一嚟就做主角嘅話,就連機位、專業用詞都唔識。」默默耕耘的她不怕等,最終在《大追捕》中嶄露頭角,更憑該片奪得香港導演會新人獎,回想Casting時,Cherry說:「當時其他人各有各忙,好靜,我就喺角落Casting,嗰場講我鬧老竇,我直情激動到拍晒枱企起身,連張櫈都反埋,嚇到周顯揚導演即刻望住我!」
擔正開殺戒
每次演出的機會都得來不易,故Cherry對自己要求非常高:「睇《大追捕》首映嗰陣,覺得自己做得太誇張又差,但喜出望外地張家輝同導演都讚做得唔錯,不過我都覺得有好多進步空間。」不斷尋求突破的她,將擔任懸疑片女主角,她說:「成套戲非常黑暗,有殺人場面,對我嚟講係大挑戰!」至於有否視誰為目標,她說:「冇明確嘅目標,但會視蕭芳芳為榜樣,學佢咁用自己影響力幫助人同做慈善。」
|
自言物欲奇低的Cherry,寧願爭取時間練舞、Casting、玩劍擊及讀書。 |
|
Cherry視做臨記為寶貴經驗,有助她擔正時演得更得心應手。 |
|
雖然得到張家輝讚賞,但自我要求嚴格的Cherry未有自滿。 |
Cherry試鏡時法寶盡出,終能在《大追捕》中與任達華和鄭希怡鬥戲。