當事人Kary都未認婚訊，作為好姊妹嘅Miki（左）已經幫佢默認咗。
【on.cc東網專訊】 藝人楊愛瑾（Miki）身穿藍色露肩連身短裙出席新春活動揭幕儀式。受訪時談到有報道指好姊妹吳雨霏（Kary）將於八月結婚，口密的Miki多次問：「佢親口證實咗未？」之後記者多番追問，她終於開腔：「恭喜佢，戥佢開心！。我哋幾個女仔之前都有傾，嗰陣Kary未有真命天子，雖然表面上佢可能未有適合人選，但一有嘅話可能係最快結婚嗰個。（搶你閘？）戥佢開心，年頭就聽到咁多開心消息。（你哋咁好姊妹冇理由唔知呢個消息？）其實我唔知佢證實咗未，都係今朝睇新聞先知。佢事情等佢自己宣布，都期待係真定假，我都有send message畀佢。（覆咗你未？）呢個留返少少空間畀我哋啦，等佢自己講。（結婚會做佢姊妹？）當然想啦，希望佢結婚會邀請我。」
至於問到何時到她結婚？Miki則笑言：「等埋一齊結都幾開心，我哋細個食飯有傾過話第時夾埋一齊結婚生BB，不過呢啲都唔係我哋控制到，同埋都係講笑。（同埋Stephy一齊結？）最好，等埋唔該。」問到自己想在哪裏結婚？她表示：「冇諗過，太長遠嘅事，如果依家諗定但到時唔係呢回事嘅話好慘架。」而Miki亦透露最近很忙：「好多工作計劃，雖然好多嘢唔排除會突發，但都以工作為先。（忙乜？）拍戲同金融嗰方面，又要見屋企人。」問到是否亦要忙拍拖？她就無奈苦笑：「當然要拍拖嘅。」
 |
Miki話之前有傾過成班姊妹要一齊結婚生仔。
|
 |
咁Miki你都要快喇！
|
 |
Cookies九餅，Miki（左起）、Stephy、Kary、Angela一向最friend。（資料圖片）
|
| 
沒有留言:
張貼留言