20140415 顏卓靈出席頒獎禮如發夢

•顏卓靈精神奕奕，以嘉賓身份出席活動。

前晚失落金像獎影后的顏卓靈，昨日中午精神奕奕返回正在就讀大二的浸會大學，為大學舉辦的素食活動，以嘉賓身份出席活動，對於失落影后寶座，記者問她心情如何？她說：「好開心，6個提名，攞咗3個獎，即係一半，已經好開心。（失落影后失望嗎？）冇好失望！（即係有失望？）冇失望呀！學黃修平話齋『輸畀章子怡型到爆！』，輸畀佢喎！（咁輸畀第二個呢？）都型到爆！全部都係前輩！」對於影帝張家輝在台上叫她等多10年先攞影后？她說：「我認同張家輝，要演多10年先會演得好！」

慶功宴玩到凌晨三點

她開心表示前晚慶功宴玩到凌晨兩、三點離開，她表示慶功宴回家後，心情一直未能平復，失眠至凌晨5點，她笑說：「返到屋企家人已經瞓晒，但我個腦不停回味緊金像獎現場，由Casting到出席頒獎禮，好似發咗場夢！（會唔會加價？）吓？我攞唔到獎喎！（但有份提名嘛）呢個等公司決定。」昨日她返回就讀的浸大出席活動，同學可有恭喜她？她說：「仲未見到同學，不過頭先見到有啲唔識嘅同學對我陰陰嘴笑！」
採、攝：山葵