有份爭逐本屆金像獎最佳女主角嘅顏卓靈，今日喺上環錄影nowTV探討健康嘅節目，佢話自己入行後身體明顯差咗：「特別喺拍咗《狂舞派》之後，雖然拍嗰陣係放緊暑假，但因為成日日夜顛倒，所以身體真係差咗好多，有次仲屙嘔咗三日。」由於公司都知佢潺仔，所以顏卓靈話公司叫佢趁唔使拍戲嗰陣，就盡量唞多啲，唞夠後就跑吓步跳吓舞嚟當鍛練身體。
講到未來工作，顏卓靈就話五月會接拍一套懸疑片：「喺公司投資嘅合拍片，入面我會做一個性格好陰暗嘅角色，不過就未知仲有乜對手。」對於曾跟其合作電影《狂舞派》嘅導演黃修平都開新戲，顏卓靈表示未知對方可會找自己演出一角：「我同咗佢講有戲開揾我，同埋自己都想再同Babyjohn(蔡瀚億)再合作。」
講到未來工作，顏卓靈就話五月會接拍一套懸疑片：「喺公司投資嘅合拍片，入面我會做一個性格好陰暗嘅角色，不過就未知仲有乜對手。」對於曾跟其合作電影《狂舞派》嘅導演黃修平都開新戲，顏卓靈表示未知對方可會找自己演出一角：「我同咗佢講有戲開揾我，同埋自己都想再同Babyjohn(蔡瀚億)再合作。」
沒有留言:
張貼留言