20140419 顏卓靈不抗拒拍劇：係個大挑戰

演員顏卓靈以白色短裙打扮現身尖沙咀，為無綫節目《燭光晚餐》擔任嘉賓。

【on.cc東網專訊】 演員顏卓靈以白色短裙打扮現身尖沙咀，為無綫節目《燭光晚餐》擔任嘉賓。她於受訪時大爆面對黃秋生感緊張：「好緊張，我未試過同佢傾偈。之前喺金像獎見到面，但都冇上前傾過。（驚對方問得直接？）唔知會問咩，不過我都好直接。我仲帶咗電影DVD送畀佢哋做小禮物，多謝佢哋邀請我嚟呢個又食又拎嘅Party！」

談到會否演電視劇？她稱完全不抗拒：「拍劇時間會長好多同要連戲，係個大挑戰（有冇信心？）唔使返學會大啲信心，因為好難分心。（畢業後入行？）我都想，如果到時有工作都會繼續。」

另外，問到有何新工作？她透露正在洽談一部懸疑片，將出演血腥暴力的女主角：「女主角會有段非人經歷，成幾十年不見天日，又會做啲血腥暴力嘅事。到時會同大陸演員合作，我刨緊書準備角色！」

顏卓靈表示不抗拒拍劇，會是個大挑戰。

顏卓靈透露正在洽談一部懸疑片，將出演血腥暴力的女主角。

顏卓靈